Образ Святой Троицы
Тропарь на День Святой Троицы, глас 8
Благослове́н еси́, Христе́ Бо́же наш,/ И́же прему́дры ловцы́ явле́й,/ низпосла́в им Ду́ха Свята́го,/ и те́ми уловле́й вселе́нную,// Человеколю́бче, сла́ва Тебе́.
Образ Господа Вседержителя
Благодарни суще недостойнии раби Твои, Господи, / о Твоих великих благодеяниях на нас бывших, / славяще Тя хвалим, благословим, благодарим, поем и величаем Твое благоутробие, / и рабски любовию вопием Ти: / Благодетелю Спасе наш, слава Тебе.
Образ Божией Матери Казанской
Тропарь Пресвятой Богородице пред иконой Ея «Казанской», глас 4
Засту́пнице усе́рдная,/ Ма́ти Го́спода Вы́шняго,/ за всех мо́лиши Сы́на Твоего́ Христа́ Бо́га на́шего,/ и всем твори́ши спасти́ся,/ в держа́вный Твой покро́в прибега́ющим./ Всех нас заступи́, о Госпоже́ Цари́це и Влады́чице,/ и́же в напа́стех и в ско́рбех, и в боле́знех обремене́нных грехи́ мно́гими,/ предстоя́щих и моля́щихся Тебе́ умиле́нною душе́ю/ и сокруше́нным се́рдцем,/ пред пречи́стым Твои́м о́бразом со слеза́ми,/ и невозвра́тно наде́жду иму́щих на Тя,/ избавле́ния всех зол,/ всем поле́зная да́руй,/ и вся спаси́, Богоро́дице Де́во:// Ты бо еси́ Боже́ственный покро́в рабо́м Твои́м.
Образ Воздвижения Честнаго и Животворящего Креста Господня
Тропарь Воздвижению Честнаго и Животворящего Креста Господня, глас 1
Спаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.
Образ Воскресения Господа нашего Иисуса Христа
Тропарь Воскресения Христова глас 5
Христос воскресе из мертвых, / смертию смерть поправ, / и сущим во гробех живот даровав.
Образ Входа Господня в Иерусалим
Тропарь:
Общее воскресение /
прежде Твоея страсти уверяя /
из мертвых воздвйгл еси Лазаря, Христе Боже. /
Темже и мы, яко бтроцы победы знамения носяще, /
Тебе Победителю смерти вопием: /
осанна в вышних, /
благословен Грядый во имя Господне.
Образ Рождества Христова
Тропарь, глас 4
Рождество Твое Христе Боже наш, возсия мирови свет разума: в нем бо звездам служащии, звездою учахуся, Тебе кланятися Солнцу правды, и Тебе ведети с высоты Востока: Господи слава Тебе.
Образ Пресвятой Богородицы Всецарица
Тропарь Пресвятой Богородице пред иконой Ея «Всецарица», глас 4.
О́бразом радостотво́рным честны́я Всецари́цы,/ жела́нием те́плым взыска́ющих благода́ти Твоея́ спаси́, Влады́чице,/ изба́ви от обстоя́ний к Тебе́ прибега́ющих;/ от вся́кия напа́сти огради́ ста́до Твое́,// к заступле́нию Твоему́ взыва́ющее при́сно.
